السبت، ٣ نوفمبر ٢٠٠٧

تاريخ أحمد زكي بدر ....ملئ بالكوسة


أحمد زكي بدر كذاب في أصل وشه

أثناء كلام الدكتور أحمد زكي بدر بالطلاب أمام قصر الزعفران خرج علينا أحمد زكي سنجة " كما يسميه طلاب الجامعة الان " لينكر ما حدث و أنه لم يتم شطب للطلاب اساسا و يبدو أن الدكتور نسي كلامه في برنامج لميس الحديدى " اتكلم" و كانت مستضيفة د/احمد زكى بدر رئيس جامعه عين شمس ورئيس تحرير جريده القاهرة و كان الحوار بيدور ان الانتخابات اتحاد الطلاب دارت فى اطار من الشرعيه و المساواه ان في طلاب غير مستوفين الشروط وهم 81 "طالب " يعني فيه ناس أتشطبوا يا دكتور يبقي بتنكر ليه
*****************************
كوسة في التعيين من الأول

أحمد زكي بدر لم يكن الاول علي دفعته حتي يتعين معيدا و لكنها الكوسة التي تتدخل عند اللزوم فالطالب أحمد زكي بدر كان الـــ23 علي الدفعة و إكراما للست كوســـــة " اللي سنداه وواقفة جنبه " تم تعيين 23 طالب الاوائل علي الدفعة دي عشان يتعين هو .....تخيلوا الكوسة وصلت لفين !!!!!!!؟
و طبعا طالما رئيس جامعة وصل بالطريقة دي عايزينه يعمل ايه لما يوصل ....طبعا لازم يكرم الست كوسة اللي وصلته و يقعدها جنبه علي الكرسي عشان " هما حبوا بعض

تاريخ أسود و مهبب لوالد أحمد زكي بدر
زكي بدر " أشهر وزير داخلية

ووفقا لجريدة الشعب الصادرة في 9 يناير 1990 فإن زكي بدر قد تطاول بالسب والقذف بألفاظ تخدش الحياء على كل القيادات السياسية والمعارضة والصحفية وغيرهم وذلك في المؤتمر الذي عقده في مدينة بنها.. وقد نشرت الجريدة نص الشتائم والألفاظ القبيحة والمتدنية التي أطلقها الوزير في حق جماعة الإخوان المسلمين ومرشدهم المرحوم الشيخ حسن البنا وابنه سيف الإسلام والمستشار مأمون الهضيبي وكذلك زعماء المعارضة إبراهيم شكري.. ومحمد حلمي مراد.. خالد محي الدين.. والصحفيين أحمد بهاء الدين ود. محمد السيد سعيد، ويوسف إدريس، وكذلك بعض قيادات المنظمة المصرية لحقوق الإنسان، والمرحوم فتحي رضوان وآخرين وأبرزت الجريدة قول الوزير السابق إنه يسعى لقتل 530 ألف مصري وإنه أصدر أوامره للعمد والمشايخ والخفراء بقتل ودفن كل من له لحية أو يرتدي جلبابا ..أبيض ...تخيلوا سفاح أزاي !!!!؟

ووفقا لجريدة الأهالي فإن الوزير السابق قد وجه السباب إلى زملائه الوزراء في لقائه بالضباط في المعهد الدبلوماسي وخص بالسباب كلا من عاطف صدقي رئيس الوزراء.. يوسف والي أمين عام الحزب الوطني.. صفوت الشريف وزير الإعلام.. حسب الله الكفراوي.. محمد عبد الوهاب.. يسري مصطفى.. محمد الرزاز.. وفاروق حسني وزير الثقافة، ثم هاجم بنفس الألفاظ كمال حسن علي رئيس الوزراء الأسبق، والدكتور عبد الرازق عبد المجيد، والدكتور مصطفى السعيد وزيري الاقتصاد السابقين، وأشار الوزير بألفاظ نابية للدكتور محمد علي محجوب وزير الأوقاف وغالبية المحافظين، وتراوحت ألفاظ الوزير السابق بين «دلاديل» - «الأهبل» - «الشواذ جنسيا» «الحرامية» «الشيوعيين» «النصابين» «المهربين» الذين يقبضون العمولات.. إلخ.

يعني الراجل مش راحم لا وزراء حكوميين و لا معارضة .....فعلا تاريخ أسود
كل الجامعة موظفين و طلبة تكره أحمد زكي بدر
اسأل اى حد دلوقتى فى جامعه عين شمس .. طلبه او موظفين او حتى اعضاء هيئه تدريس سؤال واحد .. مين مش بيكره د/ احمد زكى بدر؟!! ... مش هتلاقى حد حتى لو سألتم د/ احمد زكى بدر شخصيا لانه واضح بتصرفاته انه بيكره نفسه
من شبه أباه فما ظلم !!!

كان زكي بدر أشهر وزير للداخلية و لسانه متبري منه ..." و هكذا خرج لنا أحمد زكي بدر " من هذا المنبع اللي الناس فيه زوق زوق زوق الصراحة .....فقد كان زكي بدر أشهر وزير للداخلية و كان عهده عهد أعتقال و تجبر و سطوة أمنية و كان يكره بشدة كل ملتحي وكذلك كل واحد بيصلى و وتنسب له مقولة (اى واحد بذقن وجلبية اضربوه بالنار ............ ) وبالتالى العقدة اللى عايش فيها ابو حميد ذكى بدر عرفنا بعض اسبابها
و يفضل أحمد زكي سنجة " و هذا اللقب الذي أطلقه عليه الطلاب بعد حادث البلطجة بالجامعة عامين متتالين و كأنها صدف " يعني أشمعني لما اتعين البلطجية ظهروا " .....و يحب أحمد زكي التعامل بنفس طريقة ابوه في الوزارة فعمل علي نقل ضباط الحرس و الاكثار منهم بالجامعة و أدخال البلطجية لحمايته و علي رأي المثل من شبه أباه فما ظلم
هل يفعلها الرئيس مبارك

لم يكن أحمد زكي بدر معينا لكفاءته و لكنه معين بقرارا رئيس جمهورية .....و هكذا كان أبوه " زكي بدر " ..و لكن نظرا لأن الشعب قد كره أباه جراء ما فعله بالناس من انتهاكات و اغتصاب و قتل و تشريد فقد كان ذلك دافعا قويا لأن يصدر الرئيس مبارك قرارا تاريخيا بإقالة زكي بدر وزير الداخلية الذي جثم علي أنفاس الشعب المصري طوال 3 سنوات و11 شهرا، واستقبلت الجماهير المصرية قرار طرد زكي بدر بفرحة غامرة ...و ها هي الايام تعيد نفسها و علي رأي المثل " اقلب القدرة علي فمها يطلع الواد لأبوه " فها هي جامعة عين شمس منذ تولي أحمد زكي سنجة رئيسا لها و هي تشهد أعمال بلطجة و قنابل مولوتوف و ساحات للقتال و الضرب و أصبح أحمد زكي بدر رمزا مكروها من الجميع فهل يفعلها الرئيس مبارك و يخرج قرارا بأقالته و يقف بجانب الطلاب
أم سننتظر حتي يفوت الوقت و نسمع عن قتلي و جرحي في جامعة عين شمس بعد أن تخرج فضيحتنا علي الفضائيات .

هناك ٣٥ تعليقًا:

غير معرف يقول...

كوسة كوسة
أكيد هو واحد زي ده لازم يبقي وراه كوسة برده

غير معرف يقول...

احمد ذكي بدر كان يسبقني بعام دراسي وكان مستواه علميا ضعيف بصينا بقدرة قادر اتعين معيد كيف حصل هذا ؟

غير معرف يقول...

احمد زكى بدر مش مهتم الا بالحفلات وهامل التعليم انا انتردت قيل لما ادخل المكتبه علشان الهوات بيفطروا ويشربوا شاى

غير معرف يقول...

عندما يعامل عضو هيئة التدريس كمشبوه فى امن الدوله ...
التدخل الامنى الهائل فى جامعات مصر و الذى تعدى القبض على طلبة المحظوره وتعذيبهم داخل الحرم الجامعى وادخال المشبوهين والمخبرين فى ثياب مدنى للتحرش بالطالبات المنتميات للمحظوره و التوصيه على ولاد اللواءات ... كان احتكاكى الاول بهم فى اول سنه استلمت مدرس. لم يحضر ابن اللواء الامتحان الشفوى ... وجدته قادم بعدها بيومين يقول لى كان عندى ظروف وعيد الامتحان ... سالته ما هى الظروف ... المهم لقيت نفسى عند رئيس الحرس الاول بالاحضان وده ابننا لاخر اللقاء احنا اللى بنجح ونسقط وانت دكتور طرطور...ده رئيس الامن ... كان رئيس الدوله استكتر علينا التهزييء مره فى موسم الامتحانات اواذا زعلنا ابن اللواء... فاحضراللواء امن الدوله رئيس جامعة عين شمس و الذى يحيط نفسه بالشرطه وحرس الجامعه كانوا داخل قسم شرطه وليس جامعه علميه ... سعادة الباشا يعاملك كانك متهم مقبوض عليك وليس عضو تدريس المفروض محترم ... كيف نستنجد بمبارك وهو اللى جاب هذا الدكتور المحترم للجامعه اللى كانت محترمه ... الحل هو الخلع او الخلع مع تغيير التشكيل قبل مالاقى نفسى عريان بلبوص فى امن الدوله علشان سالت ابن اللواء سؤال فى المنهج ومعجبوش... واسفاه

غير معرف يقول...

دة كمان بيحارب الأساتذة العلماء

تخيلوا اوقف عن العمل الأستاذ محمد بدوى عبد الناصر أحد علماء مصر فى علم الأمراض الجلدية بتهمة ـاخرة عن أمتحان اعمال السنة و ذلك حتى تتبسط زوجتة الأستاذة فى نفس التخصص. من الواضح انة مش همة حد و يستخدم السياسة لاغراضة الشخصية و تنفيذ اوامر المدام. عرفتوا لية ترتيب جامعة عين شمس بدون ترتيب.

غير معرف يقول...

دة كمان بيحارب الأساتذة العلماء

تخيلوا اوقف عن العمل الأستاذ محمد بدوى عبد الناصر أحد علماء مصر فى علم الأمراض الجلدية بتهمة ـاخرة عن أمتحان اعمال السنة و ذلك حتى تتبسط زوجتة الأستاذة فى نفس التخصص. من الواضح انة مش همة حد و يستخدم السياسة لاغراضة الشخصية و تنفيذ اوامر المدام. عرفتوا لية ترتيب جامعة عين شمس بدون ترتيب.

غير معرف يقول...

للأسف اليوم تم تعيين السيد أحمد زكى بدر وزيرا للتربية والتعليم.
لى عتاب على الأب السيد حستى مبارك . ليه بعد كل الفضايح بتاعته دى عينته وزير للتربية ؟ والتعليم؟
ما اعرفش السيد رئيس الجمهورية يقصد بها إيه؟ وأى رسالة يريد توجيهها لنا بهذا التعيين؟؟؟؟

غير معرف يقول...

اهو الريس استجاب لك و شاله من الجامعة
بس ركبه على وزارة التعليم
بنحبك يا ريس!!

غير معرف يقول...

أضحكني تعليق الأخ الذي يصف وش النحس بالأب . يا أخي ده لو جابوا شارون ولا بيجين اللى كانوا بيدبحوا الأطفال الرضع و مسكوهم البلد دي مش حيعملوا أبشع من اللى عمله بابا زفت . بعد إختيار هذا المخبر لوزارة التعليم تبين بالدليل القاطع مدى كراهية " مناحس " لمصر و رغبته في تدميرها . لا عجب بعد اليوم فقد طاب الضراب و بان من هو عدو الشعب

غير معرف يقول...

مش عاجبكم رئيس جامعه اهو بقه وزير

Unknown يقول...

حسبي الله ونعم الوكيل فيك يا ......

بقي دا حيبقي مسؤول عن التعليم في مصر

لاإله إلا الله

شكلها كده بداية النهايه

غير معرف يقول...

هههههههههه اهو بقا وزير
مش عارف ليه افتكرت فيلم القاهره 30 ؟! يمكن عشان مش بحب سعاد حسني ;)

غير معرف يقول...

حسبنا الله و نعم الوكيل

غير معرف يقول...

أهو بابا حسنى الحونين عمل البرئ إبن المحترم وزير على العيال يا ولداه علشان يوريهم شغل أمنا الغولة تأطئى الفولة ... روح الله ينتقم منك يا عوكل

غير معرف يقول...

والله يا اخوانا انا مش قادرة ابطل ضحك من ساعة ما عرفت هذا الخبر الغريب..... ابوه كان بيكهرب المساجين و المشبوههين.....و هو هيكهرب 70 مليون مواطن على الاقل.....و سمعنى سلام ايها الراقدون تحت التراب....و ابقوا كلكوا تفوا على تربتى ان حال البلد دى انصلح!!!

غير معرف يقول...

وبكده كملت مسيرة انهيار التعليم كخيار قومى .. راحت عليكى يا مصر ..

غير معرف يقول...

التوريث قادم لا محاله .. ابن الوزير يبقى وزير .. ابن وزير الداخليه بقى وزير تعليم وابن رئيس الوزراء فؤاد محى الدين بقى وزير وابن بطرس غالى بقى وزير واشمعنى رئيس الجمهوريه لازم ابنه يبقى رئيس.........دى مش دوله ولا حكومه .. احنا بنتخلص من الماضى و ندفن كل ذكرياته ليه بتفكونا و تعيدونا لمرحله الصفر من جديد..
كنا عايزين دم جديد بجينات مختلفه ؟ فاين الجديد ؟؟؟؟
راحت مصر ضحيه عصابه تدعى انها حكومه.

غير معرف يقول...

هما بيعملوا توكيلات البرادعي ازاي ؟؟؟

غير معرف يقول...

أبشرواياجامعة عين شمس لأن المصيبة حتعم على مصر كلها..
ولكم الله يا طلاب مصر ووداعا يا تعليم مصر..

وكمان حاتم الجبلي ابوه كان وزير الزراعة في مسلسل التوريث..

غير معرف يقول...

انتوا كنتوا عايزينة يقيلة من الجامعة اهو خلاه وزير التربية والتعليم كلها ........ربنا يسترها معانا ونشوف هايهبب اية تانى ....ربنا يولع فيهم كلهم ونخلص بقى

غير معرف يقول...

والله انا كنت ضد الرادعى بس بالشكل دة مبارك بيخرف وعايز يخرب البلد اكتر ما هى حرام عليك والله يا راجل عايزها تبوظ اكتر من كدة اية دة احنا ماشيين بالعافية .....ربنا يرحمنا احنا فى اخر الزمن والله بكرة يطلع قرار ان مفيش محجبات يدخلوا متحانات مش المنقبات بقى ....هما عايزينا كدة مش عايزين ولا مسلمة تعرف دينها تتقدم وتبقى حاجة كويسة....حسبى الله ونعم الوكيل

غير معرف يقول...

أهو بقى وزير تعليم
يعني تاريخ زبالة
ومستقبل اسود منتظر ولادنا

غير معرف يقول...

والله بجد انا بعد اللى سمعته مش عارفه اقول ايه غير حسبى الله ونعم الوكيل وربنا يكون فى عونى كمدرسة ويكون فى عون جميع طلاب مصر وشكلها كده هتبقى خل

غير معرف يقول...

عذراً على الأخبار المزعجة.. ضعفاء القلب لا يقرؤا رجاءاًفي هذا الموقف الهزلي و صدور قرار تعيين هذا الكلب وزيراً للتعليم لم أجد سوي تلك الأبيات التالية لتعبر عن الموقف المصري و العربي ككل


رد نزار على فيروز ومن ثم رد تميم البرغوثي على نزار


----------------------------------------------------------------------

غـنت فيروز:
الآنَ، الآنَ وليس غداً
أجراسُ العـودة فلتـُقـرَعْ...

فرد عليها نزار قباني:
غنت فيروز مُغـرّدة ً
وجميع الناس لها تسمع ْ
"الآنَ، الآنَ وليس غداً
أجراس العَـودة فلتـُقـرَع ْ"
مِن أينَ العـودة فـيروزٌ
والعـودة ُ تحتاجُ لمدفع ْ
والمدفعُ يلزمُه كـفٌّ
والكـفّ يحتاجُ لإصبع ْ
والإصبعُ مُلتـذ ٌ لاهٍ
في دِبر الشعب له مَرتع ْ؟!
عـفواً فـيروزُ ومعـذرة ً
أجراسُ العَـودة لن تـُقـرع ْ
خازوقٌ دُقَّ بأسـفـلنا
من شَرَم الشيخ إلى سَعسَع ْ.

غـنت فيروزُ مرددة ً
آذان العـُرب لها تسمع ْ
"الآنَ، الآنَ وليس غداً
أجراسُ العـَودة فلتـُقـرَع ْ"
عـفواً فيروزُ ومعـذرة ً
أجراسُ العَـوْدةِ لن تـُقـرَع ْ
خازوقٌ دُقَّ بأسـفلِـنا
من شَرَم الشيخ إلى سَعسَع ْ
ومنَ الجـولان إلى يافا
ومن الناقورةِ إلى أزرَع ْ
خازوقٌ دُقَّ بأسـفلِنا
خازوقٌ دُقَّ ولن يَطلع ْ.

أما البرغوثي فيقول من وحي العدوان على غزة ورداً على نزار:

عـفواً فيروزٌ ونزارٌ
فالحالُ الآنَ هو الأفظع ْ
إنْ كانَ زمانكما بَشِـعٌ
فزمانُ زعامتنا أبشَع ْ
من عبدِ الله إلى سَـعدٍ
من حُسْـني القـَيْءِ إلى جَعجَع ْ
أوغادٌ تلهـو بأمَّـتِـنا
وبلحم الأطفالِ الرّضـَّع ْ
تـُصغي لأوامر أمريكا
ولغير "إهودٍ" لا تركع ْ
زُلـمٌ قد باعـوا كرامتهم
وفِراشُ الذلِّ لهم مَخدع ْ

عفواً فيروزٌ ونزارٌ
فالحالُ الآنَ هو الأفظع ْ
كـُنا بالأمس لنا وَطنٌ
أجراسُ العَـوْدِ له تـُقـرَع ْ
ما عادَ الآنَ لنا جَرَسٌ
في الأرض، ولا حتى إصبع ْ
إسـفينٌ دُقَّ بعـَوْرتـنا
من هَرَم الجيزَة ْ إلى سَعسَع ْ
فالآنَ، الآنَ لنا وطنٌ
يُصارعُ آخِرُهُ المَطـلع ْ

عـفواً فيروزٌ ونزارٌ
أجراسُ العـَودةِ لن تـُقـرَع ْ
مِن أينَ العـودة، إخـوتـنا
والعـودة تحتاجُ لإصبَع ْ
والإصبعُ يحتاجُ لكـفٍّ
والكـفُّ يحتاجُ لأذرُع ْ
والأذرُعُ يَلزمُها جسمٌ
والجسمُ يلزمُهُ مَوقِـع ْ
والمَوقِعُ يحتاجُ لشعـْب ٍ
والشعـبُ يحتاجُ لمَدفع ْ
والمدفعُ في دِبر رجال ٍ
في المتعة غارقة ٌ ترتـَع ْ
والشعبُ الأعزلُ مِسكينٌ
مِن أينَ سيأتيكَ بمَدفع ْ؟!

عفواً فيروزٌ... سـَيّدتي
لا أشرفَ منكِ ولا أرفـع ْ
نـِزارٌ قـال مقـَولـتهُ
أكلـِّم نزاراً... فليسمع ْ:
إنْ كانَ زمانكَ مَهـزلة ًٌ
فهَوانُ اليومَ هـو الأفظع ْ
خازوقـُكَ أصبحَ مَجلسُنا
"يُخـَوْزقـنا" وله نـَركع ْ
خازوقـُكَ يشرب من دمنا
باللحم يَغوص، ولا يَشبَع ْ
خازوقـُكَ صغيرٌ لا يكفي
للعُـرْبِ وللعالم أجمَـع ْ!

غير معرف يقول...

مبروك عليكم يا بلد اهو اتعين وزير للتعليم بدل ما كان مضيع جامعه هيضيع بلد متل ابوه الله يرحمك يا مصر

غير معرف يقول...

مبروك عليكي يا مصر
ههههههههههههههههههه
بكرة المدرسات والموظفات يلبسوا ميني جيب
والطالبات يلبسوا الشورت
مهو اخينا عند حساسة من الحجاب والملتزمين زي ابوه
عماااااار يا مصر
وسلم لي علي الريس

غير معرف يقول...

لا لاحمد زكى بدر.............ونعم ليسرى الجمل رايس التعليم .....الله اما بارك فيه واعطيه مثل مااعطى للتعليم واجعله من المطقين ........لا للسشنج والبلطجه نعم لوزير التعليم الذى عاش فى قلوبنا ولم يمت ..فى قلوبنا .انت وزير والنعمه كويس يا ا.د.الوزير الحالى /يسرى باشا الجمل ....... لا لفسنجه ابن سنجه

غير معرف يقول...

يا جماعه عايزين نفكر بعقل شويه احنا ليه بنصدق دايما الكلام الوحش والله كل اللي بيتقال ده كذب بذمتكم حد يصدق كلمه السنجه دي فكروا بقه بلاش نبقي اغبياء للدرجه دي يا ريت نشوف مين فينا ليه مصلحه انه يعصينا علي حكامنا بدل ما نفضحهم ونشتمهم يا ريت كل واحد فينا يبص لنفسه قبل ما يتهم اي حد لو كان هو كويس اساسا فوقوا بقه يا شعب يا همجي يا متخلف ع العموم انا بصراحه معجب بقرارات احمد ذكي الجديده بجد هترجع التعليم مثل زمان وعلي فكره احمد ذكي ناجح في عمله جدا جدا والاستاذ اللي بيقول انه كان مستواه ضعيف ده علي فكره كذاب جدا جدا جدا جدا علشان اساسا هو بيغير منه جدا جدا جدا واصلا مفيش معيد محترم اصلأ يقول كده اذا كان معيد من اساسا يا ريت يا جماعه نعاهد نفسنا ان احنا نصلح من نفسنا الأول وبعدين الدوله هتتصلح ندعي للوزراء الجداد بدل ما ندعي عليهم نرجع نحب بعض ذي زمان قول للزمان يرجع يا زمان سلام يا شعب الأشاعات والكذب والرياء والكره والحسد سلام يا شعب مصر العزيز

ضاحى يقول...

الله يجازى اللى جابه ويخرب بيت أبوه
يعنى هو التعليم كان ناقص تخريب لما يجيبو فتوة أمنى للتعليم وجارى نشر الثقافة الأمنية بين أروقة الوزارة حاجة كدة زى فيلم الكرنك الكل متهم والكل مدان حتى أصبح المقولة السائدة فى وزارة التربية والتعليم " هو الحداية هتخطف مين النهاردة " إشارة إلى الطرد والتشريد الذى ينتظر الجميع

غير معرف يقول...

الوزير لما ساله قال ان المنهج مكبوس حاجات كتير لما كان بيذاكر ما بنته كان بيقول ان ازاى الناس بتذاكر وبعد كده اول قرار نزله انه يرجع المحذوف من المنهج هو دا بقا تحسين التعليم ولا بلوظه

غير معرف يقول...

احمد ذكي بدر وغيره من...... ماهو الاواح من المشاريع التخريبيه لتدمير واحباط العقول
الاسلاميه والمصريه بلذات لان لدينا قاعده علميه قديمه وقويه ولوكانت ضعفت اليومين دول عشان عيون امريكا

غير معرف يقول...

احمد ذكي بدر وغيره من...... ماهو الاواح من المشاريع التخريبيه لتدمير واحباط العقول
الاسلاميه والمصريه بلذات لان لدينا قاعده علميه قديمه وقويه ولوكانت ضعفت اليومين دول عشان عيون امريكا

وائل ذكى القاض يقول...

رساله الد كتور احمد ذكى بدر ارجو من معليك تعينى فراش فى احدا مدرس قرية اولا د اسماعيل سوهاج المراغه التى فيها عجز عمال الله يبارك فيك يادكتور الا سم قاسم عبد الحميد عبدالله عثمان وشهرتى وائل ذكى القاض اناعامل فى ليبيا نفس اعيش جناب عيالى يارب يبارك فيك

غير معرف يقول...

ياناس انتم اكيد من جماعة اخوان مسلمين يحرمون الحلال ويحللون الحرام بالضبط تشبهون الله غار حراء او تشاهدون ذينب بنت جحش التى تلعب بقلب قدوتكم ولهذا انزل الله ايه علشان ينكحها وتقول عيشة

Unknown يقول...

احصل على كتب معادلة كلية الهندسة
و الملازم الخاصة بمعادلة كلية الهندسة مع مركز النور افضل مركز يقدم معادلة كلية الهندسة و بيقوم بعمل امتحانات دورية هى اللى هتساعد الطالب فى فهم معادلة كلية الهندسة
اتصل بنا على :01093189974
www.معادلة-كلية-الهندسة.com/