بدأنا السنة و مع دخول الجامعة نتلقي الخبطات تلو الخبطات
رحت أسأل عن مصاريف كليتي أفاجأ أنها من 50 جنيه وصلت 230 و جنيه يا نهارما فيهوش غم
إيه ده يا جماعة ليه ؟؟؟ هو كده دي أوامر علـــيا .
مين بقي الدكتورة عليا اللي قالت كاده
قالوا لي أنت هتهزر يا استاذ : هي دي المصاريف بتاعة السنة دي و نازلة من الجامعة
ايه ده هو مش التعليم بالمجان
مش كفاية الكتب كل كتاب بـــ200 جنيه وبــ120 جنيه
يا نهاري ...ده معناه أيه ؟؟؟
معناه اللي معاه فلوس يتعلم و اللي معهوش ما يلزموش يا صاحبي
هو أحنا بقينا ضعاف للدرجادي لدرجة يتفرض علينا مصاريف زيادة و ايه السبب ؟؟
لا شوفنا " الجامعة اتطورت و لا المعامل نظفت و لا الكتب رخصت و لا المدرجات اتظبطت "
الجامعة هي هي - ما اتغيرتش
جايز هيغيروا طقم الحراسة اللي بيقف علي البوابات
بس نفس الخلق هي هي ما بتتغيرش - و نفس الاسلوب - كارنيهك يا باشمهندس كارنيهك يا استاذ كارنيهك يا ابلة
اعوذ بالله طيب و الحل ؟؟؟
الحل ايه يا شباب ....لو سكتنا السنة دي علي غلاء المصاريف هيبقي السنة القادمة طبيعي جدا
و الزيادة عادي لازم نتحرك بسرع ....لازم نعمل حاجة ضد الغلاء ده
هو اهلنا لاقين الفلوس دي في الشارع
حسبي الله و نعم الوكيل في الجامعة و الحكومة و البلد
دي بجد كــــوســـة
ليست هناك تعليقات:
إرسال تعليق