يجب إقالة رئيس جامعة عين شمس

أرسل أحد الطلاب مطالبا بإقالة رئيس جامعة عين شمس بعد أن رأي ما حدث في الجامعة أمس ووصف الطالب أن ما حدث إنما هو اقتتال داخلي بمباركة من رئيس الجامعة لانه تواجد و لم يفعل شيئا و لم يصدر أي أمر للحرس الجامعي

و طالب الطالب بإقالة أحمد زكي بدر ....لأنه سبب المشاكل ...و أضح أن رشيس الجامعة مسئول عن حفظ الامن داخل الجامعة و الحفاظ علي حياة الطالب فإذا كان علي غير قدر هذه المسئولية فيجب أن يقال

و إليكم رسالة الطالب عبد الله أحمد "

مش عارف أتلكم و أقول ايه غير إن اللي أنا شوفته النهاردة في الجامعة مهزلة كبيرة جدا و حاجة تقرف و الله شوية صيع دخلوا الجامعة بسنج و مطاوي و اعتدوا علي مسيرة الاخوان و هم مش معاهم حاجة يدافعوا عن نفسهم و المشكلة إن رئيس الجامعة وقف و شاف لااحتكاك و الامن كان بيتفرج و مما نعوش البلطجية و واحد منهم قلع هدومه بيتعرض عضلاته قدام البنات يعني و كل ده و الامن بيتفرج

أنا نفسي اقول إذا كان رئيس الجامعة غير قادر أنه يحفظ الامن في الجامعة ياريت يسيب الجامعة أو يقدم استقالته لاني عرفت من النت و اليوتيوب إن دي تاني سنة يحصل كده من ساعة ما مسك الجامعة

يعني طالما هو مش علي قدر المسئولية يمشي أحسن و يجيبوا حد يعرف يحكم الجامعة بدل ما نموت بالمولوتوف و القنابل

هي دي جامعة و لا ساحة تدريب الجيش المصري ..أنا بقيت أكره لاجامعة من ساعة المنظر ده

و حسبي الله و نعم الوكيل